सेप्टेम्बर २००७ यसअघिका महिनाझैं कुनै अर्थमा सुखद रहेन । यस महिना भएका केही घटनाले नेपाली जनमानसमा लामो समयसम्म प्रभाव पार्नेछ । यीमध्ये एक घटना कपिलवस्तु र छिमेकी जिल्लामा फैलिएको हिंसा इन्सेकअनलाइनमा प्रमुखताका साथ आइरहृयो ।
अज्ञात समूहले मधेशी लोकतान्त्रिक मोर्चाका अध्यक्ष र तत्कालीन प्रतिकार समितिका नेता कपिलवस्तुका मोइद खानको हत्या गरेपछि भडि्कएको हिंसा र प्रतिहिंसामा १८ जनाको ज्यान गएको, १६ जना उपचाररत रहेको र ५० जना विस्थापित भएको स्थलगत प्रतिवेदनले देखायो । पछि यस हिंसामा सयौं गाउँले विस्थापित भएको र अर्बौको क्षति भएको जानकारी प्राप्त भयो । पहाडी मूलका नागरिकमाथि आक्रमण भएपछि प्रति आक्रमणमा मधेशी र मुसलमान समुदायका नागरिक पीडित भए । हिंसा छिमेकी जिल्लाहरू रुपन्देही, दाङमा पनि फैलियो भने प्युठानसम्मका मुसलमान समुदायका व्यक्ति विस्थापित भए । हिंसा यहाँबाट बाँकेलगायत अझै पश्चिमी जिल्लामा नफैलिएकोमा धेरैले राहतको सास फेरे ।
करीब एक हप्ताको घटनाक्रम हेर्दा खानको हत्यापछि भडि्एको हिंसा स्वतस्फूर्त या सुनियोजित थियो त्यो त सरकारले घटनाको छानबीन गर्न गठित समूहको प्रतिवेदनबाट खुल्नेछ तर यसले जुन प्रकारको साम्प्रादायिकताको रुप लियो यसले लामो समयसम्म मधेशी र पहाडीबीच हाल पैदा भएको अविश्वासको खाडल पुर्न लामो समय लिनेमा दुई मत छैन ।
यसरी नै, काठमाण्डौमा गराइएको तीन बम विस्फोटन पनि इन्सेकअनलाइनमा प्रमुखता पायो । तराई आर्मीद्वारा दाबी गरिएका यी विस्फोटनमा दुई विद्यार्थीलगायत तीन जनाको मृत्यु भयो भने २६ जना घाइते भए । सञ्चार माध्यममार्फत तराईमा जारी मधेशी समूहको हिंसक गतिविधिको जानकारी पाइरहेका राजधानीबासीलाई दिनदहाडै भएका यस्ता आक्रमणले आतंकित तुल्यायो । साथै राजधानीमा समेत यस प्रकारका घटनाले देशको कमजोर सुरक्षा अवस्था उजागर गर्यो ।
तराईका विभिन्न संगठित समूहहरूले विभिन्न प्रकारका मानवअधिकार उल्लघंनका क्रियाकलाप जारी राखे । तराई जनतान्त्रिक मुक्ति मोर्चा (जतमुमो) का दुई गुट, मधेशी जनअधिकार फोरम, तराई आर्मीलगायतले हत्या, अपहरणको क्रम जारी राख्नुका साथै विभिन्न मागमा बन्दको आहृवान गरिरहे । ज्वाला सिंह समूहको जतमुमोले दुई जनाको हत्यो गर्यो भने गोइत समूहबाट एक जनाको हत्या भयो । अज्ञात समूहबाट आठ जनाको हत्या भयो भने माओवादीले एक जनाको हत्या गरे ।
सेप्टेम्बर महिनामा २७ जनाको अपहरण भयो । यीमध्ये आठ जनालाई माओवादीले अपहरण गरे भने तीन जना माओवादीको युवा संठगन वाईसीएलबाट अपहरित भए । ज्वालासिंह समूहले पाँच जनाको अपहरण गर्यो भने गोइत समूहले दुई जनाको अपहरण गर्यो । संयुक्त जतमुमो र मधेशी जनअधिकार फोरमले एकएक जनाको अपहरण गरे भने सात जनालाई अपहरण गर्ने समूहको यकिन हुन सकेन । यी अपहरणका माओवादीले आफ्नो क्रियाकलापमा सुधार नल्याएको
