स्व. सिंहप्रति हार्दिक श्रद्धाञ्जली

वरिष्ठ अधिवक्ता तथा मानवअधिकारकर्मी रामानन्दप्रसाद सिंहको आज बिहान ४.०० बजे भएको असमायिक निधनप्रति अनौपचारिक क्षेत्र सेवा केन्द्र (इन्सेक) परिवार उहाँप्रति श्रद्धाञ्जली व्यक्त गर्दै शोकाकुल परिवारप्रति समवेदना प्रकट गर्दछ । स्व. सिंह प्रकाश मानवअधिकार पुरस्कारबाट सम्मानित व्यक्तित्व हुनुहुन्थ्यो । उहाँलाई इन्सेकद्वारा ०५१ सालदेखि हरेक वर्षप्रदान गरिँदै आएको प्रकाश मानवअधिकार पुरस्कार ०५५ बाट सम्मान गरिएको थियो ।

रामानन्दप्रसाद सिंह ०४७ सालका संविधान मस्यौदा समितिका सदस्य रहनुका साथै पूर्व महान्यायाधिवक्तासमेत हुनुहुन्थ्यो। विभिन्न मानवअधिकार संस्थाका संस्थापक रहेका सिंहले 'क्रिमिनल जस्टिस सिस्टम अफ नेपाल', 'ह्वाइट कलर क्राइम अफ नेपाल एण्ड प्रिभेन्सन अफ ह्वाइट कलर क्राइम' जस्ता कृतिहरू पनि प्रकाशित भएका छन् ।

सिंहको निधनबाट नेपालले एक बौद्धिक व्यक्तित्वका साथै कुशल मानवअधिकार रक्षक तथा कानुनविद् गुमाएको  छ ।

सुबोधराज प्याकुरेल

अध्यक्ष